Thomas Moreau

Les beaux soirs alanguis proiektu musikal bat da, frantses melodiaren inguruan ardaztua, hau da, frantses literaturako izen handiek idatzitako testu poetikoen musika egokitzapena. Proiektu honen gidalerroa irakurketa liriko bat proposatzea da, ahots eta pianoaren bidez garatua, XIX. mendearen bukaeran eta XX. mendearen hastapenean egiten zen espirituan. Melodia hauek, garaiko musikariek sortuak eta idatziak (Fauré, Debussy, Ravel, Massenet, besteak beste), jendaurreko ikuskizunetarako sortu ziren, antzoki eta kontzertu aretoetako eszenatokietan profesionalek interpretatzeko, baita Parisko edo probintziako literatur solasaldietan ere, non poeta, musikari, kazetari, margolari, literaturako eta botereko pertsona ospetsuak biltzen ziren, eta eztabaiden artean, moda-modako aire eta testuak biltzen zituzten partiturak kantatzen zituzten.

Les beaux soirs alanguis proiektuak, tradizio hori betikotzea proposatzen du, ahots eta pianorako idazkera klasikoari eutsiz, poeta handien eta egile ez hain ezagunen lanak esploratuz. Horrela, Parnasiarrak (Verlaine, Heredia), Modernoak (Rimbaud, Apollinaire, Aragon, Mauriac), Surrealistak (Péret) eta sailkatu ezin diren egileak (Georges Fourest, Henri Thomas edo Henri J.-M. Levet) kantatuko dira.

Musikalki, gizonezko eta emakumezko ahotsek, idazkera klasikoa eskaintzen dute, baina kantu garaikidearen kodeak erabiliz, molde eta erritmo modernoei atxikiz; instrumentu-mailako ezaugarriak ere badira, kontzerto kadentzietatik inspiratutako a cappella idazkeraren bidez, bakarlariaren birtuositateari orkestra baino nagusitasuna emanez.